काठमाडौं – बुधबार नेपाली बजारमा सुनको मूलयमा सामान्य गिरावट आएको छ । आज सुनकाे मूल्य प्रतिताेला ७ सय रूपैयाँले घटेकाे हाे । नेपाल सुनचाँदी व्यवसायी महासंघका अनुसार आज सुन प्रतितोला १ लाख ५० हजार ७ सय रुपैयाँमा कारोबार भइरहेको छ ।

हिजो सुन प्रतितोला १ लाख ५१ हजार ४ सय रुपैयाँमा कारोबार भएको थियो । आइतबार एकै दिन २ हजार रुपैयाँले घटेको सुनको मूल्य सोमबार र मंगलबार बढेको थियो ।

आज चाँदीको मूल्य पनि घटेको छ । आज चाँदी प्रतितोला ५ रुपैयाँले घटेर १ हजार ८३५ रुपैयाँमा कारोबार भइरहेको महासंघले जनाएको छ । हिजो पनि चाँदी १ हजार ८४० रुपैयाँमा कारोबार भएको थियो ।