काठमाडौं – आइतबार नेपाली बजारमा सुनको मूल्य घटेको छ । आज सुन एकैदिन सुनको मूल्य २ हजार रुपैयाँले घटेको हो ।
नेपाल सुनचाँदी व्यवसायी महासंघका अनुसार आज सुन प्रतितोला एक लाख ५० हजार ८०० रुपैयाँमा कारोबार भइरहेको छ ।

गत शुक्रबार भने सुन तोलामा एक लाख ५३ हजार रुपैयाँमा कारोबार भइरहेको थियो । आज चाँदीको मूल्य तोलामा २० रुपैयाँले घटेको छ । चाँदी प्रतितोला एक हजार ८४० रुपैयाँमा कारोबार भइरहेको छ ।