काठमाडौं – आज (बुधबार) नेपाली बजारमा सुनको मूल्य बढेको छ । यसअघि सोमबार र मंगलबार भारी रकमले घटेकाे सुनको मूल्य आज प्रतितोला ९ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला एक लाख ४९ हजार ६०० रुपैयाँमा कारोबार भइरहेको छ । मंगलबार भने सुन तोलामा एक लाख ४८ हजार ७०० रुपैयाँमा कारोबार भएकाे थियाे।

आज चाँदीको मूल्य पनि तोलामा १० रुपैयाँले बढेको छ। चाँदी प्रतितोला एक हजार ८३० रुपैयाँमा कारोबार भइरहेको छ ।