काठमाडौं – केही दिनयता निरन्तर उकालो लागेको सुनको मूल्यले आज पनि सो क्रमलाई निरन्तरता दिएको छ । आज बिहीबार पनि सुनको मूल्य तोलामा १ हजार रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुन प्रतितोला १ लाख ६४ हजार रुपैयाँमा कारोबार भइरहेको छ । हिजो सुन प्रतितोला १ लाख ६३ हजार रुपैयाँमा कारोबार भएको थियो ।

यसअघि आइतबार प्रतितोला १ लाख ६० हजार रुपैयाँमा सुनको कारोबार भएको थियो । त्यसयता बढ्दै गएको सुन सोमबार १ लाख ६१ हजार, मंगलबार १ लाख ६२ हजार १ सय, बुधबार १ लाख ६३ हजार रुपैयाँमा कारोबार भएको थियो ।

आज चाँदीको मूल्य भने स्थिर रहेको छ । आज चाँदी प्रतितोला १ हजार ९५० रुपैयाँमा कारोबार भइरहेको छ । हिजो पनि चाँदी १ हजार ९५० रुपैयाँमा कारोबार भइरहेको थियो ।