काठमाडौं – स्ट्याण्डर्ड चार्टर्ड बैंक लिमिटेडले ३८औं वार्षिक साधारणसभा मंसिर २५ गते मंगलबार गर्ने भएको छ। बैंकको मंसिर ३ गते बसेको सञ्चालक समितिको बैठकले यस्तो निर्णय गरेको हो । बैंकले भद्रकालीस्थित आर्मी अफिसर्स क्लबमा बिहान साढे ९ बजे सभा बस्ने निर्णय गरेको हो।

सभामा हाल कायम चुक्ता पूँजीको ६.५० प्रतिशत अर्थात् प्रति १०० शेयरमा ६.५ शेयरका दरले बोनस शेयर र १९ प्रतिशत अर्थात् प्रति शेयर १९ रुपैयाँ नगद लाभांश कर सहित वितरणको प्रस्ताव पेश गरिनेछ।

सभा तथा लाभांश वितरण प्रयोजनार्थ बैंकले मंसिर ६ गते अर्थात् पर्सि बुक क्लोज गर्ने निर्णय गरेको छ। तसर्थ भोलिसम्म नेप्सेमा कारोबार भई कायम शेयरधनी सभामा भाग लिन र लाभांश प्राप्त गर्न योग्य हुनेछन्।

बैंकको अधिकृत, जारी तथा चुक्ता पूँजी वृद्धि गर्न र आवश्यक परेको खण्डमा प्रबन्धपत्र तथा नियमावलीको संशोधन गर्न सञ्चालक समितिलाई अख्तियारी दिने विशेष प्रस्ताव पनि सभामा पेश हुनेछ।