काठमाडौं – नेपाल विद्युत प्राधिकरणका कार्यकारी निर्देशक कुलमान घिसिङले बुधबार आज पत्रकार सम्मेलन गर्दै छन् । सम्मेलन दिउँसो साढे २ बजे प्राधिकरणको कार्यालय रत्नपार्कमा हुनेछ ।

उद्योगीहरूसँग विद्युत् बक्यौता रकम उठाउने विषयमा विवाद सिर्जना भएपछि उनी बक्यौता नतिर्ने उद्योगको बिजुलीको लाइन काट्दै आएका छन्। सरकारले भने उद्योगहरूमा बिजुलीको लाइन नकाट्न निर्देशन दिँदै आएको छ ।

कुलमानलाई प्राधिकरणको मंगलबार बसेको बोर्डको बैठकले उद्योगमा तत्काल लाइन जोड्न निर्देशन दिइसकेको छ ।प्राधिकरण बोर्डले मंगलबार सो निर्णय गरेको दोस्रो दिनमै उनले पत्रकार सम्मेलनको आयोजना गरेका हुन् । घिसिङ् पछिल्लो समय डेडिकेटेड र ट्रंकलाइनको महसुलसम्बन्धी विवादमा तानिएका छन् ।