२१ अर्ब बढीको आन्तरिक ऋण नवीकरण गर्दै राष्ट्र बैंक

काठमाडौं– नेपाल राष्ट्र बैंकले २१ अर्ब ५० करोड रुपैयाँ बराबरको आन्तरिक ऋण नवीकरण गर्ने भएको छ। त्यसका लागि बैंकले उक्त रकम बराबरको ट्रेजरी बिल आइतबार नवीकरण गर्न लागेको छ ।

जसमा २८ दिने ८ अर्ब रुपैयाँको, ९१ दिने ८ अर्ब ५० करोड रुपैयाँको र ३६४ दिने ५ अर्ब रुपैयाँ ट्रेजरी बिल रहेका छन्। यी ट्रेजरी बिल क्रमशः २०८० चैत २७ गते, २०८१ जेठ २९ गते र २०८१ फागुन २७ गते परिपक्व हुने केन्द्रिय बैंकले जनाएको छ ।

फागुन २९ गते जारी हुने यी ट्रेजरीको बोलकबोल आज दिउँसो ३ बजे हुनेछ।