काठमाडौं –आज नेपाली बजारमा सुनको मूल्य २ सय रुपैयाँले घटेको छ। आइतबार १ लाख १८ हजार ५ सय रुपैयाँमा कारोबार भएको छापावाला सुन आज १ लाख १८ हजार ३ सय रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार आज तेजाबी सुन प्रतितोला १ लाख १७ हजार ७ सय ५० रूपैयाँमा कारोबार भइरहेको छ।

त्यसैगरी, चाँदीको मूल्य पनि आज घटेको छ। आइतबार चाँदी प्रतितोला १४ सय रूपैयाँमा कारोबार भएको थियो भने आज ५ रूपैयाँले घटेर १३ सय ९५ रूपैयाँमा कारोबार भइरहेको छ।