काठमाडौं– एप्पललाई पछि पार्दै माइक्रोसफ्ट विश्वकै मूल्यवान् कम्पनी बनेको छ। गत साताको अन्त्यतिर कम्पनीको शेयरभाउ बढेर बजार पुँजीकरण ३.१२५ ट्रिलियन डलर पुगेसँगै माइक्रोसफ्ट विश्वकै मूल्यवान् कम्पनी बनेको हो ।

शुक्रबार बजार बन्द हुँदा कम्पनीको बजार मूल्य २.४६ ट्रिलियन डलर थियो । एप्पलको बजार मूल्य त्यस दिन २.४३ ट्रिलियन डलरमा सीमित थियो ।

शेयर मूल्यमा गिरावट आएकै कारण एप्पल दोस्रो स्थानमा पुगेको हो । शुक्रबार माइक्रोसफ्ट कम्पनीको शेयर मूल्यमा १ प्रतिशतले वृद्धि भएर ३२७.५० डलर पुगेको थियो भने एप्पलको शेयर मूल्य ४ प्रतिशतले घटेर १४६.४१ डलर पुगेको थियो ।