बैंकिङ्ग समाचार, काठमाण्डौ ।
नेपाल स्टक एक्सचेन्ज नेप्से को सर्भरमा समस्या आउँदा आज विहानदेखि शेयर कारोबार प्रभावित भएको छ । नेप्सेले वेभसाईटमा एक सूचना राखेर कारोबार प्राणालीमा समस्या आएको जनाएको छ । आज नेप्से परिसरमा विद्युतको समस्या हुँदा शेयर बजार खुल्न सकेको छैन ।

अहिले बिजुली आपूर्ति भइसकेको र सिस्टम चार्ज भइरहेकाले केही समयपछि कारोबार सुरु हुने नेप्सेले जनाएको छ । सिस्टम चार्जका लागि ब्याकअप समेत नहुनुले नेप्सेको लापरबाही छरपस्ट देखिएको छ । बिजुली अवरुद्ध हुँदा सम्पूर्ण सिस्टम डाउन हुन गई समयमै कारोबार हुन नसकेको नेप्सेले जनाएको छ ।