नेप्सेमा साढे ३१ अंकको गिरावट, खुम्चियो कारोबार रकम

काठमाडौं – यो साता शेयर बजार दोहोरो अंकले घटेर बन्द भएको छ। साताभरमा नेपाल स्टक एक्सचेन्ज (नेप्से) समग्रमा ३१.३८ अंकले घटेर बन्द भएको छ। यससँगै साताभरमा १७ अर्ब रुपैयाँको शेयर कारोबार भएको छ।

यस साता ५ दिन शेयर कारोबार हुँदा १ दिन बजार बढ्दा बाँकीका ४ दिन लगातार बजार घटेको थियो। साताको पहिलो कारोबारको दिन सोमबार नेप्से २५.२७ अंकले घटेर बजार २७ सय ३५ दशमलव १४ को बिन्दुमा पुगेको थियो।

त्यस्तै, दोस्रो कारोबारको दिन मंगलबार नेप्से पुनः घटेर १.५४ अंकको गिरावटसहित बजार २७ सय ३३ दशमलव ५९ को बिन्दुमा पुग्यो। यसैगरी, बुधबार भने नेप्से झिनो अंकले बढेर २.५७ अंकको वृद्धिसहित बजार २७ सय ३६ दशमलव १७ को बिन्दुमा बन्द भयो। त्यसैगरी, बिहीबार नेप्से ८.१४ अंक र शुक्रबार ४ अंकले घटेर बजार बन्द भयो।

कारोबार रकम कति?
सोमबारः ३ अर्ब ७६ करोड
मंगलबारः ४ अर्ब ९७ करोड
बुधबारः ३ अर्ब ७ करोड
बिहिबारः ३ अर्ब ७६ करोड
शुक्रबारः ३ अर्ब ८७ करोड