ब्याज आम्दानी घट्दा पनि बढ्यो हिमालयन बैंकको नाफा

काठमाडौं – हिमालयन बैंकले चालु आर्थिक वर्षको ९ महिनामा ७६ करोड नाफा आर्जन गरेको छ । बैंकले तेस्रो त्रैमासको वित्तीय विवरण सार्वजनि गर्दै ७६ करोड २५ लाख खुद नाफा आर्जन गरेको उल्लेख गरेको हो । गत आर्थिक वर्षको यही अवधिमा बैंकले ५० करोड खुद नाफा कमाएको थियो ।

बैंकको खुद ब्याज आम्दानी घट्दा पनि नाफा बढेको हो । बैंकले गत वर्षको चैतसम्म ७ अर्ब ७५ करोड २४ लाख खुद ब्याज आम्दानी गरेकोमा यस वर्ष चैतमा ६ अर्ब ८३ करोड २१ लाख आर्जन गरेको छ । बैंकको कुल सञ्चालन आम्दानी पनि घटेको छ । गत वर्षको चैतमा ९ अर्ब १० करोड ९५ लाख कुल सञ्चालन आम्दानी गरेको बैंकले यस वर्ष चैतमा ८ अर्ब ३२ करोड ८८ लाख सञ्चालन आम्दानी गरेको हो ।

गत चैत मसान्तसम्म बैंकको वितरणयोग्य मुनाफा १० अर्ब ४६ करोड ७९ लाख ऋणात्मक भएको छ। बैंकको प्रतिशेयर आम्दानी ४.५० प्रतिशत पुगेको छ । बैंकको खराब कर्जा बढेर ७.९८ प्रतिशत पुगेको छ।

हाल बैंकको चुक्तापुँजी २२ अर्ब ५८ करोड १६ लाख रहेकोमा जगेडा कोषमा २६ अर्ब १९ करोड १२ लाख सञ्चित रहेको छ।