काठमाडौं – आईएमई पेका प्रमुख कार्यकारी अधिकृत (सीईओ) प्रविण रेग्मी ‘ग्लोबल फिन्टेक फेस्ट २०२४ मा वक्ताको रूपमा सहभागी हुने भएका छन् । आगामी अगस्ट २८ देखि ३० सम्म भारतको मुम्बईमा आयोजना हुने फेस्टमा रेग्मी वक्ताको रूपमा सहभागी हुने भएका हुन् । पेमेन्ट सिस्टम, बैंकिङ्ग, टेक्नोलोजी र टेलिकमका क्षेत्रमा विशेष दख्खल राख्ने रेग्मीसँग विभिन्न बैंक तथा वित्तीय संस्थामा डेढ दशकभन्दा बढीको कार्यानुभव छ ।

रेग्मीले फिनटेक इनोभेसनको अग्रपङ्क्तिमा रहेको कार्यक्रममा वक्ताको रूपमा सहभागी हुन पाउँदा निकै खुसी लागेको बताएका छन्। रेग्मीले लेखेका छन्, ‘ म ग्लोबल फिनटेक फेस्टमा वक्ताको रूपमा सहभागी हुन पाउँदा निकै खुसी छु । यस सम्मेलनले विषयवस्तु, वित्तको अर्को दशकको लागि खाका जिम्मेवार, समावेशी उत्तरदायी र समावेशी वित्तीय समाधानहरूको अग्रगामी गर्ने हाम्रो प्रतिबद्धतासँग लचिलोपनले गहिरो प्रतिध्वनित गर्दछ। एक परिवर्तनकारी वित्तीय भविष्यमा जडान र योगदान गरौँ’

सम्मेलनलाई फिनटेक इनोभेसनको अग्रपङ्क्तिमा रहेकाे कार्यक्रमकाे रूपमा लिइन्छ। जहाँ विभिन्न देशका २५० भन्दा बढी यस क्षेत्रसँग आबद्ध व्यतित्वहरु वक्ताको रूपमा सहभागी हुँदैछन् । ग्लोबल फिन्टेक फेस्ट भारतको भुक्तानी परिषद् (PCI), नेशनल पेमेन्ट कर्पोरेशन अफ इन्डिया ((NPCI) फिन्टेक कन्भरजेन्ज काउन्सिल (FCC) द्वारा आयोजित वार्षिक फिन्टेक सम्मेलन हो। सन् २०२२ मा सुरु भएको यो सम्मेलनको यो पाँचौ संस्करण हो। यो सम्मेलनलाई विश्वको सबैभन्दा ठुलो फिन्टेक सम्मेलन र फिन्टेक परिदृश्यमा सबैभन्दा ठुलो विचार नेतृत्व प्लेटफर्मको रूपमा समेत लिइन्छ।

सम्मेलनमा सयौं सत्रहरूसँगै, मुख्य नोटहरू, प्यानल छलफलहरू र फायरसाइड च्याटहरू समावेश गर्दै, फिन्टेक उत्पादन प्रदर्शनी, लगानी पिचहरू, कार्यशालाहरू, विचार नेतृत्व रिपोर्टहरू र शैक्षिक कागजातहरू र ह्याकाथनहरू समावेश छन्। साथै, सम्मेलनले ग्लोबल फिन्टेक अवार्ड्स पनि प्रदान गर्नेछ ।