स्पेनबाट उरुग्वे जाँदै गरेको एयर युरोपाको विमान हवाई तुफानमा पर्दा ३० जना घाइते

काठमाडौं– स्पेनको मेड्रिडबाट उरुग्वेको राजधानी मोन्टेभिडियो जाँदै गरेको एयर युरोपाको बोइङ ७८७–९ ड्रिमलाइनर सोमबार एयर टर्बुलेन्स अर्थात हवाइ तुफानमा फसेको पाइएको छ । जसका कारण विमानले ब्राजिलमा आपतकालिन अवतरण गरेको छ ।

विमान ब्राजिलको एटलान्टिकमा ब्राजिलियन कोस्ट नजिक पुगेपछि टर्बुलेन्समा परेको थियो, जसमा ३० जना घाइते भएका छन् । विमानमा ३२५ जना यात्रु सवार थिए । घाइते यात्रुलाई नजिकैको अस्पतालमा लगिएको छ । टर्बुलेन्सका क्रममा यात्रुको टाउकोमा ठोक्किनुका साथै अनुहारमा पनि चोट लागेको छ । केही साताअघि दुइवटा यस्तै घटनाहरू पनि भएका थिए ।