सुनको मूल्य बढ्यो, सोमबार कतिमा हुँदैछ कारोबार ?

काठमाडौं – सोमबार सुनको मूल्य प्रतितोला ३०० रुपैयाँले बढेको छ। आइतबार २ हजार ७०० रुपैयाँ घटेको सुनको मूल्य सोमबार ३०० रुपैयाँले बढेको हो।

सोमबार प्रतितोला छापावाला सुनको मूल्य १ लाख ४२ हजार ३०० रुपैयाँमा कारोबार भइरहेको छ । आइतबार प्रतितोला छापावाला सुनको मूल्य १ लाख ४२ हजार रुपैयाँमा कारोबार भएको थियो ।

नेपाल सुन चाँदी व्यवसायी महासंघका अनुसार सोमबार प्रतितोला तेजाबी सुनको मूल्य १ लाख ४१ हजार ६०० रुपैयाँमा कारोबार भइरहेको छ। आइतबार प्रतितोला तेजाबी सुनको मूल्य १ लाख ४१ हजार ३०० रुपैयाँमा कारोबार भएको थियो ।

यस्तै सोमबार प्रतितोला चाँदीको मूल्य १ हजार ८२० रुपैयाँ रहेको छ। आइतबार प्रतितोला चाँदीको मूल्य १ हजार ८१५ रुपैयाँमा कारोबार भएको थियो ।