काठमाडौं– हिमालयन लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्मको वित्तीय विवरण अनुसार कम्पनीको खुद नाफा गत आवको तेस्रो त्रैमासको तुलनामा चालु आवको सोही अवधिमा ७३.८७ प्रतिशतले बढेको छ ।

कम्पनीले गत आवमा ६५ लाख ५५ हजार रुपैयाँ नाफा कमाएकोमा चालु आवमा बढेर एक करोड १३ लाख ९७ हजार रुपैयाँ पुगको हो । गत आवमा कम्पनीको कुल संचालन आम्दानी २० करोड ३४ लाख रुपैयाँ रहेकोमा चालु आवमा ०।४६ प्रतिशतले घटेर २० करोड २४ लाख रुपैयाँ आम्दानी भएको छ ।

समीक्षा अवधिमा कम्पनीको संचालन मुनाफामा पनि उल्लेख्य वृद्धि भएको छ । गत आवको तेस्रो त्रैमाससम्म ९३ लाख ६४ हजार रुपैयाँ संचालन मुनाफा आर्जन गरेको यस कम्पनीको चालु आवको सोही अवधिमा ७३.७२ प्रतिशतले बढेर एक करोड ६२ लाख ८२ हजार रुपैयाँ पुगेको छ ।

कम्पनीले तेस्रो त्रैमाससम्म १५ करोड ९८ लाख रुपैयाँ खुद ब्याज आम्दानी गरेको छ । जुन गत आवको तुलनामा ४.४६ प्रतिशत बढी हो । गत आवको सोही अवधिमा कम्पनीले १५ करोड ३० लाख रुपैयाँ खुद ब्याज आम्दानी गरेको थियो ।

समीक्षा अवधिमा कम्पनीले १३ करोड १४ लाख रुपैयाँ कर्मचारीमा खर्चिएको छ । गत आवको सोही अवधिमा कम्पनीले ११ करोड २० लाख रुपैयाँ कर्मचारीमा खर्चिएको थियो ।