काठमाडौं– आरविवि मर्चेन्ट बैंकिङ्ग लिमिटेडले ग्लोबल मनी विक २०२४ को अवसरमा वित्तीय शिक्षा अभिवृद्धिका लागि सचेतनामूलक कार्यक्रम गरेको छ । आरविविले चैत्र ९ गते श्री नुवाकोट आदर्श बहुमुखि क्याम्पस बट्टारमा स्नातक तथा स्नातकोत्तर तहमा अध्यनरत विधार्थीहरु तथा शिक्षकहरुको लागि वित्तीय शिक्षा अभिवृद्धिको लागि सचेतनामूलक कार्यक्रम आयोजना गरेको हो ।

ग्लोबल मनी विक २०२४ अवसरमा आयोजित यस कार्यक्रमले पुँजीबजार सम्बन्धी शिक्षा तथा सचेतना अभिवृद्धि गर्ने र सहभागीहरुले शेयर लगानी सम्बन्धी ज्ञान हासिल गरी लाभान्वित हुने विश्वास आरविविको छ । उक्त सचेतनामूलक कार्यक्रममा नुवाकोट आदर्श बहुमुखि क्याम्पसका अध्यक्ष श्रीराम श्रेष्ठ, क्याम्पस प्रमुख नारायण मान डंगोल तथा अध्यनरत विधार्थीहरु र शिक्षक/ शिक्षिकाहरुको उल्लेख्य उपस्थिति रहेको थियो । साथै राष्ट्रिय वाणिज्य बैंक लिमिटेड विदुर शाखा प्रमुख रिमा श्रेष्ठ तथा शाखाका कर्मचारी सन्तोष बोगटीको सहभागिता कार्यक्रममा थियो ।

यसैगरी आरविविको तर्फबाट कम्पनीका प्रमुख कार्यकारी अधिकृत बद्रि प्रसाद प्याकुरेल, प्रबन्धक अजय घिमिरे र वरिष्ठ अधिकृत सृजना बाँस्कोटाले कार्यक्रम संचालन गरेका थिए । साथै, छलफलमा उठेका प्रश्नहरुको जवाफ धने अजय घिमिरेले दिएका थिए ।

आरविवि मर्चेन्ट बैकिङ्ग लिमिटेड राष्ट्रिय वाणिज्य बैंक लिमिटेडको शत्प्रतिशत लगानीमा स्थापित संस्था हो ।