इन्स्योरेन्स डिस्कोर्शको ‘इन्टरनेट पार्टनर’ मा डिसहोम

काठमाडौं – तेस्रो इन्स्योरेन्स डिस्कोर्श २०२६ को ‘इन्टरनेट पार्टनर’ मा डिसहोम आबद्ध भएको छ। आगामी माघ ७ गते बैंकिङ्ग समाचार र न्युज अफ इन्स्योरेन्सको संयुक्त आयोजनामा हुन लागेको इन्स्योरेन्स डिस्कोर्शमा डिसहोम इन्टरनेट पार्टनरमा आबद्ध भएकाे हाे।

डिसहोम इन्टरनेट सेवा उद्योगमा तीव्र गतिमा अघि बढिरहेको कम्पनीहरूमध्ये एक हो। डिसहोम सन् २००९ मा नेपालको पहिलो तथा एक मात्र डाइरेक्ट–टु–होम टेलिभिजन सेवा प्रदायकको रूपमा स्थापना भएकाे थियाे।

रिलायबल नेपाल लाइफ मुख्य प्रायोजक रहेको तेस्रो इन्स्योरेन्स डिस्कोर्श यही माघ ७ गते काठमाडौंको याक एण्ड यति होटलमा हुनेछ। यस्तै, डिस्कोर्शको पावर्ड वाइमा फोन पे, सन् नेपाल लाइफ र सुर्यज्योति लाइफ रहेको यस कार्यक्रममा नियामकीय निकाय, बीमा कम्पनीहरु, बैंक तथा वित्तीय क्षेत्र, बीमा विज्ञ तथा अन्य क्षेत्रका व्यक्तित्वहरुको उपस्थिति रहने छ।

सो कार्यक्रममा बैंकासुरेन्सः नीति, नियामक र बजारको वास्तविकता, स्वास्थ्य सेवाको पहुँचः नेपालमा स्वास्थ्य बीमाको भविष्य, इन्सुरटेक नवप्रवर्तनः नेपालमा बीमालाई आवश्यकतासँगै जीवनशैलीमा परिणत गर्दै, भविष्यको मार्गचित्रः आधुनिक जीवनशैलीका लागि बीमा उद्योगको पुनर्संरचना र रूपान्तरण जस्ता विषयमा छलफल हुनेछ। यस्तै, विशेष सत्रमा बीमाको अर्थशास्त्र नामक छलफल हुनेछ। जसमा योजना आयोगका उपाध्यक्ष डा. प्रकाश कुमार श्रेष्ठ उपस्थित हुनेछन्।