काठमाडौं– आइतबार नेपाली बजारमा सुनको मूल्य घटेको छ। गत शुक्रबार २ सय रुपैयाँ बढेर १ लाख १८ हजार ८०० रुपैयाँमा कारोबार भएको सुनको मूल्य आज १ हजार ३०० रुपैयाँ घटेको छ।

नेपाल सुनचाँदी महासंघका अनुसार आइतबार बजारमा छापावाल सुन १ लाख १७ हजार ५०० रुपैयाँमा कारोबार भइरहेको छ।

यस्तै आज तेजाबी सुन प्रतितोला एक लाख १६ हजार नौ सय ५० रूपैयाँमा कारोबार भइरहेको छ।

आइतबार चाँदीको मूल्य पनि घटेको छ। शुक्रबार प्रतितोला १ हजार ४६० रूपैयाँमा कारोबार भएको चाँदी आज ३५ रुपैयाँले घटेर १ हजार ४२५ रूपैयाँमा कारोबार भइरहेको छ।