प्रभु बैंकको नाफामा गिरावट, कस्ता छन् अन्य सूचक ?

काठमाडौं – प्रभु बैंक लिमिटेडले चालु आर्थिक वर्षको दोस्रो त्रैमाससम्ममा १ अर्ब बढी नाफा कमाएको छ। बैंकले वित्तीय विवरण प्रकाशित गर्दै १ अर्ब १ करोड ४४ लाख नाफा कमाएको देखाएको हो। जबकी बैंकले गत आर्थिक वर्षको यही अवधिसम्ममा १ अर्ब ३३ करोड ६१ लाख रुपैयाँ खुद नाफा कमाएको थियो।

समीक्षा अवधिमा बैंकले ४ अर्ब ९८ करोड ४० लाख खुद ब्याज आम्दानी गरेको छ। बैंकले गत आर्थिक वर्षको यही अवधीमा ४ अर्ब ८६ करोड ७९ लाख ब्याज आम्दानी गरेको थियो। बैंकको खुद फि तथा कमिसन आम्दानी १ अर्ब १७ करोड ३८ लाख पुगेको छ।

पुस मसान्तसम्ममा बैंकको कुल सञ्चालन आम्दानी ६ अर्ब ६९ करोड ६४ लाख रुपैयाँ पुगेको छ। बैंकको सञ्चालन मुनाफा १ अर्ब ९६ करोड ६५ लाख कायम भएको छ। पुससम्ममा बैंकको प्रतिशेयर आम्दानी ८ रुपैयाँ ६२ पैसा छ।

चालु आर्थिक वर्षको वितरणयोग्य नाफा ७९ करोड १० लाख रुपैयाँ ऋणात्मक छ। हाल बैंकको चुक्तापुँजी २३ अर्ब ५४ करोड २५ लाख रहेको छ भने जगेडा कोषमा १४ अर्ब २२ करोड २७ लाख रुपैयाँ छ। बैंकको निष्क्रिय कर्जा ७.९४ प्रतिशत पुगेको छ। जबकी गत आर्थिक वर्षको दोस्रो त्रैमाससम्ममा यस्तो दर ५.०६ प्रतिशत थियो।