हिमालयन रिइन्स्योरेन्सको चौथो वार्षिक साधारण सभा सम्पन्न, लाभांश वितरण गर्ने प्रस्ताव पारित

काठमाडौं – हिमालयन रिइन्स्योरेन्स कम्पनीको चौथो वार्षिक साधारण सभा सम्पन्न भएको छ ।  कम्पनीले उक्त सभा जेठ २५ गते आइतबार नेपाल प्रज्ञा प्रतिष्ठान कमलादी काठमाडौंमा सम्पन्न गरेको हो ।

उक्त सभाले हाल कायम रहेको चुक्ता पुँजी १० अर्ब ४० चालीस करोड रुपैयाँको ४.५० प्रतिशतका दरले हुन आउने ४६ करोड ८० लाख बराबरको बोनस शेयर तथा  कर प्रयोजनको लागि २ करोड ४६ लाख ३१ हजार ५७८ रुपैयाँको  ०.२४ प्रतिशत बराबरको नगद लाभांश वितरण गर्ने प्रस्ताव पारित गरेको छ ।
 
साथै, सभाले  आर्थिक वर्ष २०८१/८२ का लागि लेखा परीक्षक नियुक्त गर्ने तथा परिश्रमिक तोक्ने प्रस्ताव पारित गरेको हो ।