२४ लाख ५० हजार घुस रकमसहित मालपोत कार्यालय ३ जना अख्तियारको फन्दामा 

काठमाडौं – अख्तियार दुरुप्रयोग अनुसन्धान आयोगले भूमि सुधार तथा मालपोत कार्यालय भक्तपुरका कार्यालय प्रमुख कुमार आचार्यसहित  ३ जनालाई २४ लाख ५० हजार घुस रकमसहित पक्राउ गरेको छ । 

भक्तपुर, चाँगुनारायण नगरपालिकामा रहेको १४ रोपनी ४ आना जग्गा मोही र तलसिङको लगत कट्टा गरी सो जग्गा मोहीको नाममा जग्गा धनी प्रमाण पुर्जा बनाउने प्रयोजनार्थ २४ लाख ५० घुस माग गरेको भन्ने सूचनाका आधारमा आयोग , टंगालबाट खटिई गएको टोलीले उनीहरुलाई  पक्राउ गरेको हो । 

आयोगले भूमि सुधार तथा मालपोत कार्यालय भक्तपुरका कार्यालय प्रमुख कुमार आचार्यको साथबाट मोबाइल डिभाइस- २ थान र भूमिसुधार शाखाका नायब सुब्बा दीपक प्रसाद अधिकारीको साथबाट मोबाइल थान-१ तथा कार्यालय सहयोगी टिकाराम राउतको साथबाट मोबाइल थान-१ सहित २४ लाख ५० हजार समेत बरामद गरिएको आयोगले बताएको हो  ।

उनीहरूलाई नियन्त्रणमा लिई थप अनुसन्धान भइरहेको आयोगले जनाएको छ । ।