बेलायतका प्रधानमन्त्री किअर स्टार्मरले नयाँ संसार स्थापित नियमहरूद्वारा कम र ‘सम्झौता र गठबन्धनद्वारा अधिक’ शासित हुने आइतबार बताएका छन् । बदलिँदो विश्वव्यापी आर्थिक मार्गलाई पहिचान गर्दै अब केही क्षेत्रहरूको रक्षा गर्न राज्यको प्रत्यक्ष हस्तक्षेप प्रयोग गर्न आफू तयार रहेको उनले बताएका हुन् । उनले भने, ‘औद्योगिक रणनीतिमा अपेक्षित प्रमुख घोषणा अघि यो हप्ता हामी हाम्रो घरेलु प्रतिस्पर्धात्मकतामा सुधार गर्न योजनाहरू तयार पार्नेछौं । हामी आँधीबेहरीबाट बेलायती व्यवसायलाई बचाउन औद्योगिक नीति प्रयोग गर्न तयार छौँ ।’

‘केही मानिसहरूलाई यस बारेमा असहज लाग्न सक्छ तर जब विश्वले यो अनशन गरिरहेको छ, हामी पुरानै भावनामा अडिग रहन सक्दैनौं,’ उनले थपे ‘हामीलाई थाहा भएको संसार समाप्त भएको छ । बेलायत अमेरिकी कर वृद्धिको प्रभावबाट उद्योगहरूलाई आश्रय दिन राज्यको प्रत्यक्ष हस्तक्षेप प्रयोग गर्न तयार छ।’

प्रधानमन्त्री स्टार्मरले व्यापार युद्धबाट कोही पनि विजयी नहुने भन्दै आफ्नो सरकारको विश्वास दोहोर्‍याउँदै तत्कालको रणनीति ‘शान्त रहने र सर्वोत्तम सम्झौताका लागि लड्ने रहेको बताए । उनले अमेरिकी व्यापार सम्झौता ‘बेलायती व्यापारका लागि सही भएमा’ मात्र गरिने र बेलायतमाथि १० प्रतिशत करको जवाफ दिन ‘सबै विकल्पहरू टेबलमा नै रहने’ बताए । बेलायतको लक्जरी कार निर्माता कम्पनी जगुआर ल्याण्ड रोभरले अप्रिलमा संयुक्त राज्य अमेरिकामा नयाँ व्यापारिक शर्तहरूलाई सम्बोधन गर्दै निर्यात ‘रोकिने’ बताएको छ ।