काठमाडौं – अन्तरराष्ट्रिय बजारमा भएको सुनको मूल्यवृद्धि, आकाशिदो डलर मूल्य, आन्तरिक माग व्यवस्थापनलगायत कारण स्थानीय बजारमा सुनको मूल्य हरेक दिन नयाँ उचाइ कायम गरिरहेको छ। गत शुक्रबार हालसम्मकै उच्च अङ्कको पुगेको सुनको मूल्य हिजो आइतबार पनि बढेको थियो। आज फेरि नयाँ उचाइमा पुगेको छ।

आइतबार प्रतितोला एक लाख ७६ हजार आठ सय रूपैयाँ कायम भएको सुनको मूल्य आज तोलामा एक हजार एक सय रूपैयाँ बढेर एक लाख ७७ हजार नौ सय रूपैयाँ कामय भएको नेपाल सुनचाँदी व्यवसायी महासङ्घले जनाएको छ।

त्यस्तै, आज चाँदीको मूल्य प्रतितोला १० रूपैयाँले बढेर दुई हजार ३५ रूपैयाँ पुगेको छ। अन्तरराष्ट्रिय बजारमा आज सुन प्रतिऔंस तीन हजार ११४ अमेरिकी डलर हाराहारीमा कारोबार भइरहेको छ।