लाभांशको जानकारी शेयरधनीलाई पठाउँदा विवरण स्पष्ट खुलाउन नेप्सेको निर्देशन

काठमाडौं – नेपाल स्टक एक्सचेञ्ज लिमिटेड (नेप्से) ले सूचीकृत संगठित संस्था तथा शेयर रजिस्ट्रार कम्पनीहरूलाई लाभ वितरण गर्दा स्पष्ट र पूर्ण जानकारी सार्वजनिक गर्न निर्देशन दिएको छ।

नेप्सेले शेयरधनीलाई इमेल, एसएमएसलगायत माध्यमबाट जानकारी पठाउँदा स्टक सिम्बोल, आर्थिक वर्ष र लाभांश दर वा ब्याजदर प्रतिशत अनिवार्य रूपमा उल्लेख गर्न भनेको छ।

त्यस्तै, ऋणपत्र वा डिबेञ्चरको हकमा पनि स्टक सिम्बोल, आर्थिक वर्ष तथा ब्याज दर प्रतिशत खुलाउनुपर्ने नेप्सेको निर्देशन छ।