प्रतितोला ४ सय रुपैयाँले घट्यो सुनको मूल्य, कतिमा हुँदैछ कारोबार ?

काठमाडौं – नेपाली बजारमा आज सुनको मूल्य उच्च मूल्यबाट ओरालो लागेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा ४ सय रुपैयाँले घटेको हो ।

यससँगै आज सुनको मूल्यमा तोलामा २ लाख ११ हजार ६ सय रुपैयाँ कायम भएको छ । हिजो सुनको मूल्य तोलामा २ लाख १२ हजार रुपैयाँमा कारोबार भएको थियो । यो हालसम्मकै उच्च मूल्य थियो ।

त्यस्तै, आज चाँदीको मूल्य पनि तोलामा २५ रुपैयाँले घटेको छ । यससँगै आज चाँदी २४ सय ७५ रुपैयाँ कायम भएको छ। हिजो चाँदीको मूल्य प्रतितोला २ हजार ५ सय रुपैयाँमा कारोबार भएको थियो। चाँदीको यो मूल्य हालसम्मकै उच्च थियो ।