भारतमा महिलाहरूको टर्म इन्स्योरेन्स खरिदमा ८० प्रतिशत वृद्धि

काठमाडौं – पछिल्लो दुई वर्षमा भारतमा टर्म इन्स्योरेन्स खरिद गर्ने महिलाहरूको संख्यामा ८० प्रतिशत को वृद्धि भएको छ । जसमा धेरैले भारतीय २ करोडभन्दा माथिको उच्च कभरेज योजनाहरू छनोट गरेका छन्।

पोलिसी बजारको हालैको तथ्यांकअनुसार यो वृद्धिले महिलाहरूमा वित्तीय समावेशीकरण र जागरूकताको वृद्धिलाई प्रतिबिम्बित गरेको छ । तथ्यांकले साना शहरहरूमा पनि टर्म इन्स्योरेन्सको माग बढेको देखाएको छ।

केही वर्षअघि मात्र सुरु गरिएको गृहिणीहरूका लागि टर्म इन्स्योरेन्स योजनाहरूले तीव्र गतिमा लोकप्रियता हासिल गरेको छ । तथ्यांकअनुसार पछिल्लो दुई वर्षमा खरिद गरिएका लगभग ४० प्रतिशत पोलिसीहरू गृहिणीहरूले खरिद गरेका छन्। यी खरिदकर्ताहरूमध्ये अधिकांश २० देखि ३० वर्ष उमेर समूहका छन्।