काठमाडाैं – चालु आर्थिक वर्ष २०८१/८२ को ८ महिना (साउन–फागुन) सम्म वर्ष व्यापार घाटा ९ खर्ब ८७ अर्ब ३९ करोड रुपैयाँ बराबर छ । जुन गत आवको तुलनामा ६.२२ प्रतिशत धेरै हो । यस वर्ष कुल वैदेशिक व्यापारमा निर्यात हिस्सा ३६.३५ प्रतिशतले बढ्दा आयात हिस्सा ३.५५ प्रतिशतले खुम्चिएको देखिन्छ ।

भन्सार विभागले सार्वजनिक गरेकाे तथ्यांकअनुसार फागुनसम्म १ खर्ब ५८ अर्ब १७ करोड रुपैयाँ बराबरको वस्तु निर्यात भएको छ । यस वर्ष फागुनसम्म गत आवकाे यही अवधिको तुलनामा ५७.२० प्रतिशतले निर्यात बढेको देखिएको छ । गत आवको फागुनसम्म १ खर्ब रुपैयाँको मात्र निर्यात भएको थियो ।

८ महिनामा कुल वैदेशिक व्यापारको आकार समेत बढेको छ । फागुनसम्म कुल १३ खर्ब ३ अर्ब रुपैयाँ बराबर वैदेशिक व्यापार भएको छ । गत आवको फागुनसम्म ११ खर्ब ३० अर्ब रुपैयाँ बराबरको व्यापार भएको थियो । विभागकाे तथ्यांकअनुसार समिक्षा अवधिमा ११ खर्ब ४५ अर्ब रूपैयाँ बराबरकाे आयात भएकाे छ ।