बैंकिङ्ग समाचार, पोखरा । 
कांस्की जिल्ला स्थित पोखराको लेकसाइडमा रहेको एनएमबी बैंकको एटीएम फोड्दै गर्दा प्रहरीले एक यूवकलाई नियन्त्रणमा लिएको छ । गएराती पोखरा महानगरपालिका ६ स्थिती बाराही चोकमा रहेको एटीएम फोड्दै गर्दा धादिङ घर बताउने २५ वर्षिय मनोज कुमाल पक्राउ परेको प्रहरीले जनाएको छ । 

एटिएम फुटाइरहेको खबर पाएपछि वडा प्रहरी कार्यालय बैदामबाट खटिएको टोलीले उनलाई रंगेहात पक्रेको हो । उनको साथबाट एक थान खुकुरी फेला परेको छ । पक्राउ परेका कुमालमाथि थप अनुसन्धान भइरहेको प्रहरीले जानकारी दिएको छ ।