काठमाडौं – नेपाल टेलिकमले विगतदेखि नै भारतमा कल गर्नका लागि बाह्यगमन कलको नयाँ महशुलदर निर्धारण गरेको छ । टेलिकमले भारतमा फोन गर्न लागु गरेका विभिन्न विकल्पमध्ये एक्सेस कोड १४२४ को प्रयोग गरेर हुने बाह्यगमन कलका लागि महसुल निर्धारण गरेको हो ।

दूरसञ्चार प्राधिकरणबाट स्वीकृत भएर यही पुस १५ गतेदेखि लागु हुनेगरी एक्सेस कोडको महसुल दर करबाहेक प्रतिमिनेट ३.७६ रुपैयाँ कायम भएको छ । यसका साथै एक्सेस कोड १४२४, १४२४ र १४४५ को प्रयोग गरेर भारतमा हुने बाह्यगमन कलको पल्सदर ६० सेकेन्ड निर्धारण भएको टेलिकमले जानकारी दिएको छ ।