काठमाडौं – भुक्तानी प्रणाली सञ्चालक संस्था स्मार्टच्वाइस टेक्नोलोजिज लिमिटेड (एससीटी) का सेवाग्राहीले सिभिल मलमा निःशूल्क पार्किङ गर्न पाउने भएका छन् । एससीटी र सिभिल मलबीच भएको सम्झौताअनुसार सेवाग्राहीले निःशुल्क पार्किङ पाउने भएका हुन् ।

यसका लागि एससीटी–यूपीआईका सेवाग्राहीले आफ्नो कार्ड देखाएपछि सिभिल मलको अन्डरग्राउण्ड पार्किङ क्षेत्रमा चार घन्टासम्म निःशुल्क पार्किङ पाउनेछन् । यो सेवा यही मंसिर १६ देखि आगामी ६ महिनासम्म लागु हुनेछ ।

एससीटी–यूपीआई डेबिट कार्ड लिन इच्छुक ग्राहकले एससीटैको सदस्य बैंक तथा वित्तीय संस्थाबाट लिन सक्नेछन् ।