काठमाडौं – आज नेपाली बजारमा सुनको मूल्य तोलामा एक सय रुपैयाँले घटेको छ । महासंघले हिजो आइतबारको तुलनामा आज सोमबार सुनको मूल्य तोलामा एक सय रुपैयाँले घटेको हो ।

यससँगै आज छापावाल सुनको मूल्य तोलामा १ लाख ५२ हजार ३०० कायम छ । हिजो तोलामा १ लाख ५२ हजार ४०० रुपैयाँ थियो । पछिल्लो समय नेपाली बजारमा सुनको मूल्य निरन्तर बढ्दै गइरहेको छ ।

अन्तर्राष्ट्रिय बजारमा सुनको मूल्य बढ्दै जाँदा नेपालमा समेत मूल्य उकालो लागिरहेको हो । यस्तै आज चाँदीको मूल्य पनि घटेको छ । तोलामा १० रुपैयाँले घटेको चाँदीको मूल्य आज तोलामा १८ सय ४० रुपैयाँ कायम छ ।

हिजो तोलामा १८ सय ५० रुपैयाँ कायम थियो ।