हिमालय एयरलाइन्स मार्फत १६७ जना चिनियाँ धार्मिक पर्यटक लुम्बिनी आइपुगेका छन् । चिनियाँ बुद्ध धर्मावलम्वी हिमालय एयरलाइन्सको उडान नम्बर एच ९८५२ को विमान मार्फत लुम्बनी भ्रमणका लागि आएका हुन् । वुधबार आइपुगेका उनीहरुको स्वागत चिनियाँ राजदूत छन सोङ्गले गरेका थिए ।

अन्य पर्यटकका साथै चीनका धार्मिक पर्यटक भित्र्याउनपनि एयरलाइन्सले प्रभावकारी भूमिका खेल्दै आएको छ । जसले गर्दा नेपालको धार्मिक पर्यटनकाे प्रर्वद्धन र विस्तारमा टेवा पुगेको देखिन्छ । नेपाल र चीनको संयुक्त लगानी रहेको हिमालय एयरलाइन्सले सन् २०१८ अक्टोबर १९ (२०७५ कात्तिक २० ) मा चीनको चोङचिङमा पहिलो चार्टर्ड उडान गरेको थियो।