बैंकिङ्ग समाचार, काठमाडौं– आगामी वैशाख ९ र १० गते गर्ने भनिएको लगानी सम्मेलनको मिति सरेको छ ।

थप आन्तरिक तयारीका लागि लगानी सम्मेलनको मिति एक साता पर धकेल्न लागिएको हो । सम्मेलन वैशाख १६ र १७ गते गर्ने तयारी गरिएकाे छ । बिहीबार साँझ बस्ने मन्त्रिपरिषदको नियमित बैठकले मिति सार्नेबारे आधिकारिक निर्णय गर्ने अर्थ मन्त्रालय उच्च स्रोतले जानकारी दिएको छ ।

नेपाललाई लगानीको गन्तव्यका रूपमा चिनाउन सरकारले आगामी वैशाखमा तेस्रो लगानी सम्मेलन गर्न लागेको हो । यसअघि २०७३ फागुन र २०७५ चैतमा सरकारले लगानी सम्मेलन आयोजना गरेको थियो।