बैंकिङ्ग समाचार, काठमाडाैं- एमएडब्लू ग्रुपअन्तर्गतको एमएडब्लू पार्ट्स डिष्ट्रिब्युटरकाे एक्सक्लुसिभ रिटेलर धनुषाकाे ढल्केबरमा सञ्चालनमा आएको छ।

नेपालको लागि जेसीबीका जेन्युन स्पेयर पार्टस, टायर्स र लुब्रिकेन्ट्सको आधिकारिक बिक्रेता रहेकाे एमएडब्लू पार्ट्सले ढल्केबरमा रिटेलर उद्घाटन गरेकाे हाे । वडा नम्बर ६ का वडाअध्यक्ष नन्दकिशोर यादव, एमएडब्लू पार्ट्स डिष्ट्रिब्युटरका निर्देशक गोपालकुमार अग्रवाल, एमएडब्लू पार्ट्स डिष्ट्रिब्युटरका बिजनेस हेड रोशनकुमार श्रेष्ठ, पायल मोटर पार्ट्सका प्रबन्ध निर्देशक दीपेन्द्र शाह तथा ढल्केबरका स्थानीय ग्राहकमार्फत संयुक्त रूपमा रिटेलरकाे उद्घाटन गरे ।

रिटेलर स्थापनासँगै अब ढल्केबरका ग्राहकहरूले पायल मोटर पार्ट्समार्फत सजिलै जेसीबीका सक्कली पार्ट्सहरु खरिद गर्न पाइने कम्पनीले जनाएकाे छ ।