हेभी सवारी चालक तालिम सुरु

काठमाडौं – राष्ट्रिय प्रहरी प्रशिक्षण प्रतिष्ठान महाराजगंजको तत्वावधानमा नेपाल प्रहरी प्रधान कार्यालय सवारी महाशाखामा सञ्चालन हुने १७ औँ समूहको हेभी सवारी चालक तालिम सुरु भएको छ। सोही महाशाखाका प्रहरी उपरीक्षक अनुप श्रेष्ठले बुधवार आयोजित कार्यक्रमबीच उक्त तालिमको उद्घाटन गरे।

कार्यक्रममा प्रहरी नायव उपरीक्षक ई. अशोक केसीले तालिम सम्बन्धी प्रतिवेदन प्रस्तुत गर्दै ३० दिन कार्य अवधिको उक्त तालिममा  प्रहरी हवल्दार १ जना, प्रहरी सहायक हवल्दार ७ जना र प्रहरी जवान २२ जना गरी कूल ३० जना प्रशिक्षार्थीहरूको सहभागिता रहेको जानकारी दिए।