म्याक्सस नेपालद्वारा विपद् राहत तथा पुनर्स्थापनाका लागि ७० लाख सहयोग घोषणा

काठमाडौं – हिमालय अर्गनाइजेसन अन्तर्गत म्याक्सस नेपालले भदौ १० गते नेपालमा आएको विनाशकारी बाढीबाट प्रभावित परिवार तथा समुदायका लागि राहत तथा पुनर्स्थापनामा सहयोग पुर्‍याउने उद्देश्यले नेपाल सरकारसँग ऐक्यबद्धता जनाउँदै कुल ७० लाख सहयोग प्रदान गर्ने निर्णय गरेको छ।

उक्त घोषित रकम मध्य ५० लाख प्रधानमन्त्री दैवी प्रकोप उद्धार कोषमा हस्तान्तरण गर्ने योजना रहेको छ । जसले नेपाल सरकारमार्फत सञ्चालन हुने राहत, उद्धार, पुनर्स्थापना तथा पुनर्निर्माणका प्रयासमा सहयोग पुर्‍याउनेछ भने बाँकी २० लाख बराबरकोको अत्यावश्यक राहत सामग्री खरिद गरी बाढी प्रकोप क्षेत्रमा सामाजिक संस्था तथा त्यस स्थानका स्थानीय सरकारको समन्वयमा वितरण गर्ने योजना रहेको छ। उक्त राहत सामग्रीहरू विपद्बाट सबैभन्दा बढी प्रभावित तथा तत्काल सहयोगको आवश्यकता रहेका क्षेत्रहरू पहिचान गरी वितरण गरिनेछ।

यस किसिमको प्रत्यक्ष राहत वितरणका लागि म्याक्सस नेपालले सम्बन्धित निकाय तथा सरोकारवालासँग समन्वय गरी प्राथमिकतामा रहेका क्षेत्र तथा वस्तुहरूको पहिचान गरी गरी उपलब्ध गराउनेछ भने राहत सामग्रीको प्रकृति, वितरण क्षेत्र, वितरण प्रक्रिया तथा कार्यान्वयनको समय तालिका हाल सम्बन्धित पक्षहरूसँग छलफल तथा समन्वयको प्रक्रियामा रहेको छ।

त्यसैगरी, प्रधानमन्त्री दैवी प्रकोप उद्धार कोषमा सहयोग रकम हस्तान्तरण गर्ने मिति तथा राहत सामग्री वितरणसम्बन्धी विस्तृत जानकारी आवश्यक समन्वय तथा तयारी पूरा भएपछि छुट्टै सार्वजनिक गरिनेछ। यो पहल म्याक्सस नेपाल र साइस म्याक्ससको नेपाल र नेपाली जनताप्रतिको दीर्घकालीन प्रतिबद्धताको प्रतीक हो। हाम्रो सम्बन्ध केवल व्यावसायिक सहकार्यमा सीमित नभई कठिन परिस्थितिमा देश र समुदायसँग उभिने सामाजिक उत्तरदायित्वमा समेत आधारित रहेको बताएको छ । 

नेपालका लागि साइस म्याक्सस सवारी साधनहरूको आधिकारिक वितरक हो।