नाडाको अध्यक्ष सुरेन्द्र कुमार उप्रेतीको नेतृत्वमा २९ सदस्यीय केन्द्रीय कार्य समिति गठन

काठमाडौं – नाडा अटोमोवाइल्स एशोसिएशन अफ नेपाल (नाडा) ले अध्यक्ष सुरेन्द्रकुमार उप्रेतीको अध्यक्षतामा नाडाको २९ सदस्यीय नयाँ केन्द्रीय कार्य समिति गठन गरेको छ । हिजो चैत ८ गते नाडाका अध्यक्ष उप्रेतीको अध्यक्षतामा बसेको दोश्रो केन्द्रीय कार्य समितिले नाडाको विधान २०७१ (संशोधन सहित) दफा २०.७ बमोजिम नयाँ कार्यसमितिलाई पूर्णता दिएको हो ।

गत पुस २५ गते काठमाडौंमा सम्पन्न निर्वाचनबाट नाडाको केन्द्रीय कार्य समितिको सदस्य पदमा निर्वाचित सदस्यहरु मध्येबाट पदाधिकारीहरुको निर्वाचन कार्य सम्पन्न गरेर नाडाको २९ सदस्यीय केन्दीय कार्य समितिको गठनलाई पूर्णता प्रदान गरिएको नाडाले जनाएको छ । नयाँ कार्य समितिमा अध्यक्ष सुरेन्द्रकुमार उप्रेती, निवर्तमान अध्यक्ष करणकुमार चौधरी, संस्थागत उपाध्यक्ष भद्र भण्डारी, संस्थागत उपाध्यक्ष गणेशप्रसाद भट्टराई, उपाध्यक्ष विक्रम सिंहानिया, उपाध्यक्ष अभिक ज्योति, महासचिव मिलनबाबु मल्ल, सचिव मेघराज पौड्याल, कोषाध्यक्ष पंंकज अग्रवाल र सह-कोषाध्यक्ष निलमणी पाठक रहेका छन् ।

यस्तै, संस्थागत सदस्यहरु मध्येबाट प्रदेश सदस्य डिल्लीराम आचार्य, केदारकुमार अग्रवाल, दामोदर अटल, दिपेन्द्र कोइराला, पुष्कर ओझा र साधारण सदस्यहरु मध्येबाट अनुप कुमार बराल, तोयानाथ खनाल, दिपकराज गिरी, दिपेन्द्रकुमार मिश्र, दिवाकर मिश्र, नवराज भुसाल, नविनकुमार पारख, नारायणप्रसाद पौडेल, प्रकाश कपुरी, विकाश जोशी, विमल साह चयन भएका छन् ।

अध्यक्षबाट दिपककुमार अग्रवाल, महेश पाल र राजेशप्रसाद गिरीलाई मनोनित भएका छन् । सोहि दिन नाडाका अध्यक्ष उप्रेतीले नाडाका पूर्व अध्यक्षहरुको सम्मानमा एउटा भेटघाट तथा छलफल कार्यक्रमको समेत आयोजना गरेको थियो ।