अष्ट्रेलिया र स्लोभाकिया पठाइदिन्छु भन्दै १७ लाख ठगी गर्ने दुई जना पक्राउ 

काठमाडौं – बेरोजगार युवायुवतीहरुलाई आकर्षक तलबको प्रलोभनमा पारी रोजगारीका लागि अष्ट्रेलिया र स्लोभाकिया पठाइदिन्छु भन्दै ठगी गर्ने दुई जनालाई प्रहरीले पक्राउ गरेको छ। पक्राउ पर्नेमा काभ्रेपलाञ्चोकको पाँचखालका रुपेश लामिछाने र  धादिङको खनेबासका हिरा तामाङ रहेका छन्। 

पक्राउ पर्ने मध्ये  लामिछानेले अष्ट्रेलिया पठाइदिन्छु भन्दै ९ लाख र  तामाङले  स्लोभाकिया पठाइदिन्छु भन्दै ८ लाख ५० हजार ठगी गरेको प्रहरीले बताएको छ। 

उनीहरूलाई काठमाडौं उपत्यकाको विभिन्न स्थानहरूबाट पक्राउ गरी थप अनुसन्धान तथा आवश्यक कारबाहीको लागि वैदेशिक रोजगार विभाग ताहाचल, काठमाडौंमा पठाइएको प्रहरीले जनाएको छ।