१६ लाख जरिवाना तोकिएका बैंकिङ्ग कसुर मुद्दाका २ जना फरार प्रतिवादी पक्राउ

काठमाडौं – बैंकिङ्ग  कसुर मुद्दाका दुई जना फरार प्रतिवादीलाई प्रहरीले पक्राउ गरेको छ। पक्राउ पर्नेमा मकवानपुरका सरिता घलान र प्रभा राई रहेका छन्। 

पक्राउ पर्ने मध्येमा घलानलाई १५ दिन कैद र १ लाख ४५ हजार जरिवाना र राईलाई ७ दिन कैद र १५ लाख जरिवाना तोकिएको प्रहरीले बताएको छ। 

उनीहरूलाई जिल्ला प्रहरी कार्यालय मकवानपुर र मातहत कार्यालयहरूबाट खटिएको प्रहरी टोलीले खोजतलासको क्रममा पक्राउ गरी आवश्यक कारबाहीको लागी सम्मानित मकवानपुर जिल्ला अदालत हेटौडामा बुझाएको प्रहरीले जनाएको छ।