पोर्चुगल र रोमानिया पठाइदिन्छु भन्दै १० लाख ५० हजार ठगी गर्ने दुई जना पक्राउ

काठमाडौं – पोर्चुगल र रोमानिया पठाइदिन्छु भन्दै ठगी गर्ने दुई जनालाई प्रहरीले पक्राउ गरेको छ। पक्राउ पर्नेमा तनहुँ घर भई ललितपुर बस्ने  ३२ वर्षीय रोविन जिआर र  ओखलढुंगा घर भई काठमाडौं बस्ने ४८ वर्षीय गिता माया मगर रहेका छन्। 

उनीहरूले बेरोजगार युवायुवतीहरूलाई आकर्षक तलबको प्रलोभनमा पारी रोजगारीका लागि पोर्चुगल र रोमानिया पठाइदिन्छु भन्दै १० लाख ५० हजार ठगी गरेको प्रहरीले जनाएको छ। पक्राउ परेका मध्ये जिआरले १ जनालाई पोर्चुगल र मगरले २ जनालाई रोमानिया पठाइदिन्छु भन्दै ठगी गरेका हुन्।

उनीहरूलाई काठमाडौं उपत्यकाका विभिन्न स्थानहरूबाट पक्राउ गरी थप अनुसन्धान तथा आवश्यक कारबाहीको लागि वैदेशिक रोजगार विभाग ताहाचल, काठमाडौंमा पठाइएको प्रहरीले जनाएको छ।