स्रोत नखुलेको नगद १२ लाखसहित एक जना पक्राउ

काठमाडौं – सर्लाहीको ब्रह्मपुरी गाउँपालिका– ४ बाट स्रोत नखुलेको नगद १२ लाख २९ हजार रुपैयाँ सहित भारत बिहार सितामढी ग्राम पंचायत सोनवर्सा–२ बस्ने २९ वर्षीय धर्मेन्द्र महतोलाई आइतबार दिउँसो प्रहरीले पक्राउ गरेको छ ।

प्रहरी चौकी त्रिभुवननगरबाट खटिएको प्रहरीले भारतबाट नेपालतर्फ आउँदै गरेको बीआर ३० वाई ३२८७ नम्बरको मोटरसाइकलमा सवार उनलाई उक्त नगदसहित पक्राउ गरेको हो। यस सम्बन्धमा आवश्यक अनुसन्धान गरिरहेको प्रहरीले जनाएको छ।