सीईओ डिसीईओ पक्राउ परेपछि प्रभु बैंकको कामु सीईओ बने लम्साल

काठमाडौं – प्रभु बैंक लिमिटेडको कार्यवाहक सीईओमा निरज लम्साल नियुक्त भएका छन्। प्रहरीको केन्द्रीय अनुसन्धान ब्युरो (सीआइबी)ले बैंकका प्रमुख कार्यकारी अधिकृत अशोक शेरचन डेपुटी सीईओ मनिराम पोखरेल सहितलाई पक्राउ गरेसँगै लम्साललाई कामु सीईओको जिम्मेवारी दिइएको हो।

३ जना कर्मचारीहरु अनुसन्धान प्रक्रियामा रहेकाले बैंकको दैनिक कार्य सञ्चालन, निरन्तर तथा प्रभावकारी रुपमा अघि बढाउन सञ्चालक समितिबाट बैंकका वरिष्ठत कर्मचारी लम्साललाई आजै (मंसिर १४) गतेदेखि लागु हुने गरी बैंकले कामु सीईओको जिम्मेवारी दिएको बैंकले बताएको छ।

साथै, बैंकले बैंकका सीईओ डिसीईओ लगायतका कर्मचारी पक्राउ परेपनि अनुसन्धानको कारणले बैंकको दैनिक कार्य सञ्चालन, वित्तीय सुशासन, निक्षेपकर्ता, शेयरधनी तथा ग्राहकहरुको हितमा कुनै पनि नकारात्मक असर पर्ने अवस्था नरहेको उल्लेख गरेको छ ।