मुक्तिनाथ कृषि कम्पनीले हकप्रद शेयर जारी गर्न बोलायो साधारण सभा, बुक क्लोज कहिले ?

काठमाडौं – मुक्तिनाथ कृषि कम्पनी लिमिटेडले आफ्ना शेयरधनीहरुलाई बोनस शेयर वितरण गरे पश्चात अब हकप्रद शेयर निष्काशन गर्ने भएको छ।

कम्पनीले गत आर्थिक वर्षको मुनाफाबाट शेयरधनीहरुलाई ८ प्रतिशत बोनस शेयर वितरण गर्ने र सोपश्चात कायम चुक्ता पूँजीको ६० प्रतिशत हकप्रद शेयर निष्काशन गर्ने घोषणा गरेको हो।

कम्पनीको असोज २४ गते बसेको कम्पनीको सञ्चालक समितिको १०० औं बैठकको निर्णयले सो दरमा लाभांश वितरण गर्ने र हकप्रद शेयर निष्काशन गर्ने निर्णय गरेको हो।

यसका साथै सो प्रस्तावहरु पारित गर्न कम्पनीले कात्तिक २१ गते शुक्रबार सिल्भर वक ब्यान्क्वेट एण्ड इभेन्ट्स सेन्टर, गैरीधारा, काठमाडौँमा दिउँसो साढे ११ बजे सातौँ वार्षिक साधारण सभा बोलाउने निर्णय पनि गरेको छ।

साधारण सभा तथा लाभांश वितरण प्रयोजनार्थ कम्पनीले कात्तिक १४ गते बुकक्लोज गर्ने भएको छ। यसअनुसार कात्तिक १३ गतेसम्म नेप्सेमा कारोबार भइ कायम शेयरधनीहरुले कम्पनीको साधारण सभामा सहभागिता जनाउन तथा कम्पनीले वितरण गर्ने लाभांश प्राप्त गर्न सक्नेछन्।