दसैं लगत्तै अत्याधिक वर्षाको जोखिम, अघिल्लो वर्षकोभन्दा वितन्डा मच्चिने मौसमविदहरुको चेतावनी

काठमाडौं । दसैंको टिका लगत्तै नेपालमा भारी वर्षाको सम्भावना रहेको मौसमविदहरुले अनुमान लगाएका छन् । टिकाको भोलिपल्ट अर्थात असोज १७ गतेदेखि गत वर्षकोजस्तै वितन्डा मच्चाउने वर्षाको जोखिम रहेको मौसमविदहरुले बताएका हुन् ।

भारीदेखि अति भारी वर्षको जोखिम रहेकाले टिकाको भोलिपल्टदेखि सर्तक रहन मौसमविदहरुले अनुरोध समेत गरेका छन् । भारी र अति भारी वर्षा भएमा बाढी, पहिरो, डुबान र कटानको जोखिम रहन्छ ।

मौसमविदहरुले युरोपियन, जर्मन र अमेरिकी मोडलमार्फत वर्षाको सम्भावना पुष्टी गरेका हुन् । असोज १७ गतेदेखि सुरु हुने भारीदेखि अति भारी वर्षाको प्रभाव असोज १८ र १९ सम्मै देखिने जनाइएको छ ।