बैंकिङ्ग समाचार, काठमाडौं ।
कुमारी बैंकले साबिक नेपाल क्रेडिट एण्ड कमर्स बैंक लिमिटेडको २९ लाख ६५ हजार ४२० कित्ता संस्थापक शेयर वैशाख १५ गतेदेखि विक्रीमा आउने भएको छ । 

बैंकले विद्यमान संस्थापक शेयरधनीसँगै अन्य व्यक्ति तथा संस्थाहरूले समेत खरीद गर्न सक्ने गरी यो शेयर विक्रीमा ल्याएको हो । 

प्रतिकित्ता रू. ११९ मूल्य तोकेर विक्रीमा ल्याएको यो शेयर खरीदका लागि शेयर खरिद गर्न इच्छुक आवेदकहरुले तोकिएको मूल्य वा सोभन्दा बढी मूल्य अंकित गरी बोलपत्र पेश गर्नुपर्नेछ । 

बोलपत्र पेश गर्दा न्यूनतम १ हजार कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ । इच्छुक आवेदकहरूले जेठ २ गतेसम्म आवेदन दिन सक्नेछन् । 

यो शेयर विक्री प्रबन्धकमा सनराइज क्यापिटल लिमिटेड रहेको छ ।