बैकिङ्ग समाचार काठमाडौं 
दुई लघुवित्त वित्तीय संस्थाको लाभांश सुरक्षित गर्ने भोलि बुधबार अन्तिम दिन रहेको छ । बिजय र कालिका लघुवित्त वित्तीय संस्था लिमिटेडले साधारण सभा तथा लाभांश वितरण गर्ने प्रयोजनले चैत १६ गते बुकक्लोज गर्नेछ । बुकक्लोज गरेसँगै भोलिसम्म कायम सेयरधनीहरुले मात्रै यी दुईवटा संस्थाको प्रस्तावित लाभांश पाउने भएको हो । बिजय लघुवित्त वित्तीय संस्थाले गत आव २०७८/७९ को मुनाफाबाट आफ्ना सेयरधनीहरुलाई २० % बोनस सेयर र कर प्रयोजनका लागि १.०५२६ ५ नगद लाभांश प्रस्ताव गरेको छ । सोही प्रस्तावित लाभांश पारित गर्न संस्थाले चैत २८ गते बिजय विकास केन्द्र गैडाकोट नवलवरासीमा बिहान ११ः३० बजे बस्नेगरी १०औं साधारण सभा बोलाएको छ ।

त्यस्तै, कालिका लघुवित्तले गत आवको मुनाफाबाट १९%   बोनस सेयर र कर प्रयोजनका लागि एक प्रतिशत नगद लाभांश गरी कुल २० % लाभांश प्रस्ताव गरेको छ । सोही प्रस्तावित लाभांश पारित गर्न संस्थाले चैत २९ गते होटल टास्क इन्टरनेशनल प्रा।लि।पोखरामा बिहान ९ बजे बस्नेगरी १३औं साधारण सभा बोलाएको छ ।