काठमाडौं – आइतबार नेपाली बजारमा सुनको मूल्यमा गिरावट आएको छ। आज सुनको मूल्यमा प्रतितोला ८ सय रुपैयाँको गिरावट देखिएको छ ।

नेपाल सुनचाँदी व्यवसायी महासंघका अनुसार मूल्य घटेसँगै आज सुन प्रतितोला एक लाख ५७ हजार एक सय रुपैयाँमा कारोबार भइरहेको छ ।

गत शुक्रबार प्रतितोला एक लाख ५७ हजार नौ सय रुपैयाँमा कारोबार भएको थियो । त्यस्तै, आज चाँदी प्रतितोला एक हजार आठ सय ६० रुपैयाँमा कायम भएको छ ।

शुक्रबार चाँदी प्रतितोला एक हजार आठ सय ९० रुपैयाँमा खरिद बिक्री भएको थियो। अन्तर्राष्ट्रिय बजारमा सुनको मूल्य प्रतिऔँस अमेरिकी डलर १६ दशमलव २५ ले घटेर दुई हजार सात सय तीन दशमलव दुई कायम भएको छ ।