काठमाडौं – सिद्धार्थ प्रिमियर इन्स्योरेन्स कम्पनीको लाभांश सुनिश्चत गर्ने आज अन्तिम दिन रहेको छ । सभा प्रयोजनार्थ कम्पनीले फागुन ११ गते बुक क्लोज गर्दैछ । यसको अर्थ आजसम्म कायम शेयरधनीहरुमात्रै यो कम्पनीको लाभांश पाउन र सभामा भाग लिन योग्य हुनेछन्।

कम्पनीले ३० औँ वार्षिक साधारणसभा फागुन ३० गते डाकेको छ। वार्षिक साधारणसभा काठमाडौंको भगवती बहालस्थित लिसारा रिसेप्सनमा बिहान ११ बजेबाट सुरु हुनेछ।

सभाले आर्थिक वर्ष २०७९/८० का लागि प्रस्तावित चुक्तापुँजीको ११ प्रतिशत नगद लाभांश करसहित अनुमोदन गर्नेछ। कम्पनीको चुक्तापुँजी २ अर्ब ८० करोड ६५ लाख ४९ हजार ९०० रुपैयाँ रहेको छ।

जसअनुसार कम्पनीले ११ प्रतिशतले हुन आउने ३० करोड ८७ लाख २० हजार ४८९ रुपैयाँ नगद लाभांश वितरण गर्ने प्रस्ताव गरेको छ।