दसैंको बिदामा शेयर बजारको जानकारी लिन चाहनु हुन्छ ? पढ्नुहोस् यी किताब

काठमाडौं – हिजोआज शेयर बजारमा लगानी गर्ने लगानीकर्ताहरूको संख्या बढ्न थालेको छ। थोरै पैसाले पनि शेयर बजारमा सजिलै लगानी गर्न सकिने र चाहिएको बेलामा शेयर बेचेर सजिलै नगदमा रूपान्तरण गर्न मिल्ने भएकाले शेयर बजारको आकर्षण बढ्दो छ। तर, शेयर बजारमा लगानी गर्नुभन्दा अघि बजारको प्रकृतिबारे राम्रोसँग बुझ्न भने जरुरी छ। बजारबारे राम्रोसँग बुझेर लगानी गर्दा यसबाट भोलीका दिनमा हुन सक्ने सम्भावित जोखिमलाई कम गर्न सकिन्छ।

शेयर बजार छोटो समयमा नै बुझ्न सकिने क्षेत्र भने होइन। तर, हामीले यसलाई बुझ्न सुरु भने गर्न सक्छौँ। बजारलाई राम्रोसँग बुझेर लगानी गर्ने समय अब आएको छ। अहिले हामी आफ्नो व्यस्त जीवनशैलीबाट केही छुटकारा पाएर दसैँ बिदामा बसिरहेका छौँ। यो समयमा शेयर बजारको बारेमा बुझ्नका लागि हामी किताबहरू पढ्न सक्छौँ। यदि तपाईँहरू दसैँ बिदाको फुर्सदको समयमा शेयर बजार बुझ्न चाहनुहुन्छ भने यी किताबहरू पढ्नुहोस्।

द इन्जेलिजेन्ट इन्भेष्टर
शेयर बजारलाई राम्रोसँग बुझ्न र लगानी गर्नु अघि र पछि ‘द इन्टेलिजेन्ट इन्भेस्टर’ पुस्तक पढ्न सकिन्छ। यो पुस्तक बेन्जामिन ग्राहमद्वारा लिखित वित्त साहित्यमा एक ऐतिहासिक पुस्तक हो। यसले लगानीको लागि संवद्र्धनवादी, मूल्यमा आधारित दृष्टिकोणको वकालत गर्दछ। यो पुस्तकले बजारको उतारचढावबाट जोगाउन गहन अनुसन्धान, विविधीकरण र सुरक्षाको मार्जिनको महत्वलाई जोड दिन्छ।

लेखकले यो किताबद्धारा लगानीकर्ता र सट्टेबाजहरू बिचको भिन्नता देखाएको छ। जहाँ छोटो अवधिको लाभमा भन्दा दीर्घकालीन दृष्टिलाई प्रोत्साहन गर्छन्। पुस्तकले आन्तरिक मूल्यको अवधारणा प्रस्तुत गर्छ र स्टक चयनका लागि रणनीतिहरू प्रदान गर्दछ। यो पुस्तक जोखिम न्यूनीकरण गर्न, दिगो र बुद्धिमानी लगानी परिणामहरू प्राप्त गर्न खोज्ने लगानीकर्ताहरूको लागि आधारभूत ‘गाइड’ हो।

शेयरबाट करोडपति
‘शेयरबाट करोडपति’ रविन्द्र भट्टराईद्वारा लिखित पुस्तक हो। यो पुस्तक २०१६ मा प्रकाशित भएको थियो। भट्टराईले पुस्तक मार्फत लगानी गर्ने उचित तरिका, लगानीको सही समय, बजारको उच्चतम तथा न्यूनतम बिन्दु, बजारको चक्र र राम्रो पोर्टफोलियो बनाउने जस्ता विषयहरू समेटिएका छन्। यो पुस्तक शेयर बजारमा भर्खरै प्रवेश गरेका नयाँ तथा साना लगानीकर्ताहरूले पनि पढ्न र बुझ्न सक्ने छ।

गरिब धनी बन्न चाहन्छ र धनी झन् धनी बन्न। अर्थात् पैसा कमाउने रहर सबैमा हुन्छ। तर, सानो पुँजीबाट धनी बन्न सकिँदैन भन्ने आम बुझाइभन्दा केही फरक सोच पनि राख्न सकिन्छ भन्ने कुरा यो पुस्तक पढेपछि स्पष्ट हुन्छ। दैनिक दुई घण्टा गरिने अध्ययनले वर्तमान मात्र होइन, जीवनको उत्तरार्ध पनि सुरक्षित गर्न सकिन्छ भन्ने कुरा यो पुस्तक पढेपछि थाहा हुन्छ। ‘पैसाको दास नबन, पैसालाई दास बनाउ’ भन्ने पुस्तकको निष्कर्ष हो। विलियम जे ओ निलद्वारा लिखित ‘हाउ टु मेक मनी इन स्टक्स’ शेयर कारोबारका लागि राम्रो गाइड हो। जुन प्राविधिक विश्लेषण र चार्ट प्याटर्नमा केन्द्रित छ। ओ निलको क्यानस्लिमको रणनीति शेयर बजारमा चर्चित अवधारणा हो। यसमा विकसित हुँदै गरेका स्टकहरू पहिचान गर्न आधारभूत र प्राविधिक विश्लेषणको संयोजन गरिएको छ। यसले स्टक छनोटमा बलियो आम्दानी, नयाँ उत्पादनको आविष्कार र संस्थागत लगानीकर्ता भएको कम्पनीलाई जोड दिन्छ।

पुस्तकले बजारमा घाटा चाँडै घटाउन बजारमा छिटो दौडनुपर्छ। ढिलो गर्नेले गुमाउँछ भन्ने कुरालाई व्याख्या गरेको छ। उनले कप–एन्ड–ह्यान्डल र डबल बटम टु टाइम प्रविष्टिहरू र निकास जस्ता चार्ट ढाँचाहरू बढी प्रयोग गर्दछन्। उनको दृष्टिकोणले अनुशासित, जोखिम व्यवस्थापन र व्यवस्थित स्टक स्क्रिनिङलाई प्राथमिकता दिन्छ। यसले कारोबारीहरूलाई स्टक बजारमा सफलता हासिल गर्न मद्दत गर्छ। ओ निलको क्यानस्लिम रणनीतिले प्राविधिक विश्लेषण र चार्ट प्याटर्नमा केन्द्रित रहेको छ।

हाउ टु मेक मनी इन स्टक्स
विलियम जे ओ निलद्वारा लिखित ‘हाउ टु मेक मनी इन स्टक्स’ शेयर कारोबारका लागि राम्रो गाइड हो। जुन प्राविधिक विश्लेषण र चार्ट प्याटर्नमा केन्द्रित छ। ओ निलको क्यानस्लिमको रणनीति शेयर बजारमा चर्चित अवधारणा हो। यसमा विकसित हुँदै गरेका स्टकहरू पहिचान गर्न आधारभूत र प्राविधिक विश्लेषणको संयोजन गरिएको छ। यसले स्टक छनोटमा बलियो आम्दानी, नयाँ उत्पादनको आविष्कार र संस्थागत लगानीकर्ता भएको कम्पनीलाई जोड दिन्छ।

पुस्तकले बजारमा घाटा चाँडै घटाउन बजारमा छिटो दौडनुपर्छ। ढिलो गर्नेले गुमाउँछ भन्ने कुरालाई व्याख्या गरेको छ। उनले कप–एन्ड–ह्यान्डल र डबल बटम टु टाइम प्रविष्टिहरू र निकास जस्ता चार्ट ढाँचाहरू बढी प्रयोग गर्दछन्। उनको दृष्टिकोणले अनुशासित, जोखिम व्यवस्थापन र व्यवस्थित स्टक स्क्रिनिङलाई प्राथमिकता दिन्छ। यसले कारोबारीहरूलाई स्टक बजारमा सफलता हासिल गर्न मद्दत गर्छ। ओ निलको क्यानस्लिम रणनीतिले प्राविधिक विश्लेषण र चार्ट प्याटर्नमा केन्द्रित रहेको छ।

शेयर मन्त्र
‘शेयर मन्त्र’ नेपालका चर्चित शेयर बजार विश्लेषक तथा वित्तीय विज्ञ रवीन्द्र भट्टराईद्वारा लिखित एक अत्यन्तै लोकप्रिय पुस्तक हो। सन् २०२१ मा सेक्युरिटिज रिसर्च सेन्टर एण्ड सर्भिसेजद्वारा प्रकाशित यो पुस्तक विशेष गरी नेपाली शेयर बजारको परिवेशलाई केन्द्रमा राखेर तयार पारिएको छ। यो पुस्तक शेयर बजारमा प्रवेश गर्न चाहने नवप्रवेशी र आफ्नो लगानीलाई थप सुरक्षित एवम् नाफामूलक बनाउन चाहने अनुभवी लगानीकर्ता दुवैका लागि एउटा व्यावहारिक मार्गदर्शन हो।

पुस्तकले शेयर बजारमा हल्लाको भरमा नभई बजारको वास्तविक गहिराइ र चक्र बुझेर मात्र लगानी गर्नुपर्ने कुरा देखाएको छ। शेयर मन्त्र पढिसकेपछि शेयर बजारमा कस्तो कम्पनीमा लगानी गर्ने, कम्पनीको वित्तीय अवस्था के छ, कुन कम्पनी राम्रो भन्ने जस्ता कुराहरू सजिलै बुझ्न सकिन्छ। त्यस्तै, सबै पैसा एउटै कम्पनी वा एउटै क्षेत्रमा नलगाई जोखिम बाँडफाँड गर्ने, छोटो समयमै धनी हुने प्रलोभनमा नपरी ‘कम्पाउन्डिङ’ को फाइदा लिने जस्ता कुराहरू यो पुस्तक मार्फत बुझ्न सकिन्छ। त्यस्तै, अहिले शेयर बजारमा सबैभन्दा बढी देखिएको समस्या बजार बढ्दा हौसिने र घट्दा आत्तिने बानीलाई पनि हटाउन यो पुस्तकले सहयोग गर्छ। त्यस्तै, सही समयको पर्खाइ, जोखिम व्यवस्थापन, गल्तीबाट सिक्ने र बजार बारे निरन्तर ‘अपडेड’ हुनुपर्ने कुरा यो पुस्तकले सिकाउँछ।

वारेन्ट बफेट वे
‘वारेन बफेट वे’ पुस्तकले संसारकै सबैभन्दा धनी र सफल लगानीकर्ता वारेट बफेटको लगानी गर्ने शैली र लगानीको सिद्धान्तलाई व्याख्या गरेको छ। यो पुस्तक रोबर्ट जी. ह्यागस्ट्रोमद्वारा लिखित विश्व प्रसिद्ध पुस्तक हो। यो पुस्तक ‘भ्यालु इन्भेष्टिङ’ मूल्यमा आधारित लगानी र शेयर बजारको दीर्घकालीन लगानीको रणनीतिसँग सम्बन्धित छ। यो पुस्तक पहिलो पटक सन् १९९४ मा प्रकाशित भएको थियो। लेखकले बफेटका नयाँ लगानीहरू थपेर यसका परिमार्जित संस्करणहरू पनि बजारमा ल्याएका छन्।‘वारेन बफेट वे’ पुस्तकले संसारकै सबैभन्दा धनी र सफल लगानीकर्ता वारेट बफेटको लगानी गर्ने शैली र लगानीको सिद्धान्तलाई व्याख्या गरेको छ। यो पुस्तक रोबर्ट जी. ह्यागस्ट्रोमद्धारा लिखित विश्वप्रसिद्ध पुस्तक हो। यो पुस्तक ‘भ्यालु इन्भेष्टिङ’ मूल्यमा आधारित लगानी र शेयर बजारको दीर्घकालीन लगानीको रणनीतिसँग सम्बन्धीत छ। यो पुस्तक पहिलो पटक सन् १९९४ मा प्रकाशित भएको थियो। लेखकले बफेटका नयाँ लगानीहरू थपेर यसका परिमार्जित संस्करणहरू पनि बजारमा ल्याएका छन्।